२०७९ असार १५
  • काठमाडौँ

९९३ किलोको फर्सी बन्यो ‘फर्सी तौल’को विश्व च्याम्पियन

क्यालिफोर्निया : अमेरिकाका एक किसानले ९९३ किलोग्राम (२१९१ पाउन्ड) को फर्सी फलाएर कीर्तिमान कायम गरेका छन्।

हालै सम्पन्न विश्व फर्सी तौल च्याम्पियनसिप २०२१ मा उनले सो फर्सी प्रदर्शन गराएका हुन्।

जेफ अलमेयरले सो प्रदर्शन गर्दै ४८औँ विश्व फर्सी तौल च्याम्पियनसिपको उपाधि जितेका हुन्। उनले १९ हजार ७०९ डलर पुरस्कारसमेत हात पारेका छन्।

भूतपूर्व वासिङटन राज्य यातायात विभागका इन्जिनियर अलमेयरले आफ्नो पेसागत ज्ञान फर्सी फलाउनमा पनि रचनात्मक रूपमा लगाएका बताएका छन्। सोही विवेकले नै संसारकै ठूलो फर्सी फलाउन सकेको उनले प्रतिक्रिया दिएका छन्।

अलमेयरले फर्सीको बीउ ‘अक्सन’बाट किनेका थिए। उनले सन् २०१८ मा २,४६९ पाउन्डको फर्सी फलाएर पुरस्कार जितेका स्टीभ ड्यालिट्सबाट बीउ किनेका थिए।

सो बीउलाई उनले माटोको सन्तुलन, नाइट्रोजन थपेर, पोटासियम तथा फस्फोरस आवश्यकताअनुसार मिलाएर हुर्काएको अन्तर्राष्ट्रिय सञ्चारमाध्यममा जनाइएको छ।
अन्नपूर्णपोस्ट बाट

२०७८ कार्तिक ६, शनिबार १२:४८ 0 Minutes 222 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार