२०७९ असार १४
  • काठमाडौँ

मोतीपुर घटना : मृत्यु हुनेको संख्या ४ पुग्यो, ३१ जना घाइते

काठमाडौं । बुटवलमा निर्माणाधीन मोतीपुर औद्योगिक क्षेत्रमा जग्गा अतिक्रमणको विषयमा आइतबार भएको झडपमा ४ जनाको मृत्यु भएको छ भने घटनामा ३१ जना घाइते भएका छन् ।

मृतकमध्ये १ जनाको पहिचान खुलेको छ । मृतक कपिलवस्तु वाणगंगाका ४८ वर्षको रमेश परियारको पहिचान खुलेको हो ।

उपचारका लागि भैरहवा मेडिकल कलेज ल्याइएका ८ जना स्थानीयमध्ये ४ जनाको मृत्यु भएको अस्पतालले जनाएको छ । अस्पतालमा ५ जना प्रहरीको पनि उपचार भइरहेको छ ।

अस्पतालका जनसम्पर्क अधिकृत सुशील गुरूङका अनुसार ३ जनाको अस्पताल ल्याउँदा नै मृत्यु भएको थियो भने १ को उपचारको क्रममा मृत्युभएको हो ।

चारै जनाको सब भैरहवा मेडिकल कलेजमा रहेको अस्पताल प्रशाशनले जनाएको छ । तर, रुपन्देहीका सुरक्षा अधिकारीहरुले यसलाई आधिकारिक पुष्टि गरेका छैनन् ।

सुकुम्बासीको नाममा केही समूहले औद्योगिक क्षेत्रको जग्गा कब्जा गर्न खोजेपछि उत्पन्न तनाव नियन्त्रणका लागि भन्दै स्थानीय प्रशासनले हाल त्यस क्षेत्रमा कर्फ्यू जारी गरेको छ ।
अनलाइन नेपाल् बाट साभार

२०७८ आश्विन २४, आईतवार १५:४९ 0 Minutes 190 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार