२०७९ श्रावण २६
  • काठमाडौँ

मंसिरमा बिहे गर्दै प्रविशा, को हुन उनका हुनेवाला दुलाह ?

काठमाडौ – गायिका प्रविशा अधिकारी बिबाह बन्धनमा बाँधिने तयारी गरेकी छिन् । उनी, अमेरिकामा रहँदै आएका निर्माण सिटौलासँग बिहेको तयारीमा छिन् ।

गायिका अधिकारीले मंसिरमा बिहेको कुरा भैरहेको बताइन् । प्रविशाले भनिन्–‘हुनत, असोजमा बिहे गर्ने भन्ने कुरा भएको थियो । तर, केही कारणले गर्दा मंसिरमा गर्ने तय भएको छ ।’

प्रविशा र निर्माणको भेट भने भएको छैन । अमेरिकामा रहँदै आएका निर्माणसँग प्रविशाको कुरा हुन थालेको ३ महिना भयो । निर्माणको परिवारबाट बिहेको प्रस्ताव आएपछि प्रविशाले वुझेर निर्णय लिने जवाफ दिएकी थिइन् । यसपछि, उनी र निर्माणविच कुराकानी हुन थालेको हो ।

प्रविशा भन्छिन्–‘मलाई पनि निर्माणको बानी ब्यहोरा मन परेपछि बिहे गर्ने निर्णय गरेकी हुँ । मलाई मान्छे राम्रो भन्दा पनि असल हुनुपर्छ भन्ने लाग्छ । निर्माणमा यी सबै गुण छन् ।’ निर्माणको घर झापाको चारपाने हो । प्रविशा पनि झापाकी नै हुन् ।

केही समय अगाडि सार्वजनिक भएको प्रविशाको स्वरमा समावेश ‘शब्द’ बोलको गीत शेयर गर्दै निर्माणले लेखेका छन्–‘साच्चिकै गज्जब ।’ नेपाली सेलिब्रिटीहरुले प्रेम र बिहेको कुरा लुकाएपनि प्रविशाले पनि यो बिषयलाई सार्वजनिक गरेकी छिन् ।

प्रविशाले नेपाली चलचित्रका दर्जनौ गीतमा स्वर दिएकी छिन् । केही समय अगाडि उनले ‘द भ्वाइस अफ नेपाल’को फाइनलमा ‘फूल होइन’ बोलको गीत गाएपछि उनको चर्चा झनै चुलिएको थियो ।

२०७८ आश्विन १४, बिहीबार ११:३७ 1 Minute 264 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।