२०७९ असार १८
  • काठमाडौँ

दसैँमा घर जान अनलाइनबाट बसको टिकट बुकिङ गर्नेलाई एक बोतल पानी सित्तैमा

सरकारले भोलिदेखि दसैंका लागि काठमाडौं बाहिरका जिल्लामा घर जानेहरूका लागि टिकट बुकिङ खुला गरेको छ ।

काउन्टरमा गएर टिकट बुकिङ गर्दा यात्रीहरू ठगिने र बिचौलियाहरुले बढी भाडा असुल्ने गरेका कारण अनलाइनबाट टिकट बुकिङ गर्न यातायात व्यवस्था विभागले आग्रह गरेको छ ।

आइतबार प्रतिनिधिसभा अन्तरगतको विकास तथा प्रविधि समितिको बैठकमा बोल्दै विभागका महानिर्देशक नमराज घिमिरेले अनलाइनबाट बसको टिकट काट्नेलाई यातायात व्यवसायीले एक बोतल पिउने पानी सित्तैमा दिने प्रतिबद्धता जनाएको जानकारी गराए ।

उनले भोलिदेखि टिकट काउन्टरमा गएर दशैंमा घर जानका लागि अग्रिम टिकट बुकिङ गर्न सकिने, अनलाईन टिकेटिङ र मोबाइल एप्लिकेशनको माध्यमबाट टिकट खरिद गर्न सकिने बताए ।

बैठकमा छलफलपछि विकास तथा प्रविधि समितिले स्वास्थ्य मापदण्ड पालना गरेर गाडि चलाउन, यात्रुले थाहा पाउने गरी ढोकामा भाडादर टाँस गर्न, भौतिक रुपमा लामबद्ध भएर टिकट काट्ने व्यवस्थालाई निरुत्साहित गर्न अनलाइनबाट टिकट खरिदको व्यवस्था गर्न र अनुगमनको कार्यलाई प्रभावकारी बनाउन भौतिक पूर्वाधार तथा यातायात मन्त्रालयलाई निर्देशन दिएको छ ।

२०७८ आश्विन १०, आईतवार १२:५८ 0 Minutes 124 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।