२०७९ असार १८
  • काठमाडौँ

यी राष्ट्रपतिले फर्काएका थिए हार मानिसकेका मेस्सीलाई मैदान

२०१४ को विश्वकप फाइनलमा अर्जेन्टिना जर्मनीसँग अतिरिक्त समयमा पराजित भयो । २०१५ को कोपा अमेरिकामा चिलीले अर्जेन्टिनालाई टाइब्रेकरमा हरायो ।

२०१६ को कोपा अमेरिका फाइनलमा फेरि अर्जेन्टिना हा-यो । यसपटक पनि चिलीसँग हा-यो । यसपटक पनि टाइब्रेकरमै हा-यो । आजित भएर मेस्सीले अन्तर्राष्ट्रिय फुटबलबाटै सन्यास घोषणा गरेका थिए ।

मेस्सीका कतिपय आलोचकहरुले ‘ठिक्क भयो’ भनेजस्तो प्रतिक्रिया पनि दिएका थिए । तर उनका धेरै समर्थकहरुका लागि यो निर्णय धक्का थियो ।

यस घटनापछि मेस्सीलाई फेरि मैदान फर्काउने श्रेय अर्जेन्टिनाका तत्कालीन राष्ट्रपति माउरिसियो म्याक्रीलाई पनि जान्छ । ‘फुटबललाई माया गरिने हाम्रोजस्तो देशले

विश्वका उत्कृष्ट खेलाडीलाई भगवान्कै उपहारका रुपमा पाएको हो । हामी भाग्यमानी छौं, यो हाम्रो जीवनको एउटा ठूलो खुसी हो । लियोनल मेस्सी अर्जेन्टिनाका बहुमुल्य कुरा हुन् र हामीले उनको हेरचाह गर्नैपर्छ,’ म्याक्रीले भनेका थिए ।

राष्ट्रपति कार्यालयले नै सन्यास फिर्ताका लागि पुनर्विचार गर्न आग्रह गरेपछि मेस्सी फेरि खेलमा फर्किए । उनको कप्तानीमा अर्जेन्टिनाले आज २८ वर्षपछि कोपा अमेरिका जितेको छ ।

म्याक्री २०१५ देखि २०१९ सम्म अर्जेन्टिनाको राष्ट्रपति थिए । उनी त्यहाँको प्रमुख पार्टीमध्येको एक रिपब्लिकन प्रपोजलका अध्यक्ष हुन् । २००५ मा यो पार्टी स्थापना भएदेखि नै उनी अध्यक्ष पदमा छन् । एसेन्जी

२०७८ असार २७, आईतवार १२:३९ 1 Minute 157 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।