२०७९ भाद्र १
  • काठमाडौँ

पलको माग–‘हाम्रो टिम नेपालका साथीहरुलाई चाडै रिहाई गरियोस्’

नायक पल शाहले हाम्रो टिम नेपालका सदस्यहरुलाई प्रहरीले पक्राउ गरेपछि उनीहरुको रिहाइको लागि माग गरेका छन् । सरकारी जग्गा कब्जा गरेको आरोपमा पक्राउ परेका १८ जना टिमका सदस्यहरुलाई सरकारले दमन गरेको पलको आरोप छ ।

उनले लेखेका छन्–‘कोरोना महामारीको बेला निशुल्क खाना खुवाउँदै आएको, अक्सिजन नभएको ठाउँमा अक्सिजनको सिलिन्डरको व्यवस्था गर्दै आएको टिम, भुकम्प, बाढी पहिरो जाँदा दिनरात नभनी

देशभर सेवा गर्दै आएको ‘हाम्रो टिम नेपाल’ माथि आज सरकारले दमन गरेको छ । पक्राउ परेका हाम्रो टिम नेपालका सम्पूर्ण साथीहरुर्लाइ चाडो भन्दा चाडो रिहाई गरियोस् ।’

प्रहरीले हातपात गरि टिमका सदस्यहरुलाई गिरफ्तार गरेको घटनालाई पलले अमानवीय हर्कत भन्दै खेद प्रकट समेत गरेका छन् ।

पल ‘हाम्रो टिम नेपाल’सँग मिलेर केही समयदेखि सहयोग वितरणमा सक्रिय छन् । पल र यो टिमका सदस्यहरुले अक्सिजन अभाव भएको समयमा देशका विभिन्न अस्पतालमा पुगेर अक्सिजन वितरण गरेका थिए । यस्तै, खाद्यान्न सहयोगमा पनि यो टिम सक्रिय रुपमा लागेको थियो ।

२०७८ असार १४, सोमबार १६:२७ 0 Minutes 165 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।