२०७९ भाद्र १
  • काठमाडौँ

बोराभित्र भेटियो वयस्क व्यक्तिको खुट्टा, घटना दुई हप्ता अगाडिको हुन सक्ने अनुमान

काठमाडौं । बौद्धको टाउन प्लानिङमा भेटिएको बोराभित्र वयस्क व्यक्तिको एउटा खुट्टा फेला परेको छ ।

सुरुमा शव फेला परेको भनिए पनि प्रहरी टोलीले बोरा खोलेर हेर्दा त्यसभित्र घुँडादेखि मुनिको एउटा खुट्टा फेला परेको हो ।

घटनास्थलमा काठमाडौं प्रहरी परिसर प्रमुख एसएसपी अशोक सिंह र त्रिवि शिक्षण अस्पताल महाराजगञ्जका फरेन्सिक डाक्टरसमेत पुगेका थिए । फरेन्सिक डाक्टरले कुनै व्यक्तिको शरीरबाट दुई-तीन हप्ता अगाडि नै खुट्टा अलग गरिएको हुनसक्ने बताएको एसएसपी सिंहले बताए ।

घटना अन्तै गराएर खुट्टा बौद्धमा व्यवस्थापन गरिएको हुन सक्ने अनुमान प्रहरीको छ । प्रहरीले कोही मानिस हराएको सूचनाको अध्ययन गरी घटनाको अनुसन्धान प्रक्रिया थालेको एसएसपी सिंहले बताए । खुट्टा पोष्टमार्टमका लागि त्रिवि शिक्षण अस्पतालमा पठाइएको छ ।

मानिसको खुट्टा भेटिएको स्थान नजिकै घर भएका सुन्दर खनालले मंगलबार बिहान पूजा गर्ने दूबो टिप्न बाहिर निस्किएका व्यक्तिले सिमेन्टको बोराभित्र खुट्टा देखेपछि आफूलाई खबर गरेको र आफूले शव भेटिएको भनेर प्रहरीमा गरेको बताए ।

२०७८ जेष्ठ २६, बुधबार ००:२४ 1 Minute 80 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।