२०७९ श्रावण २६
  • काठमाडौँ

मलाई ‘केपी बा’ले ठूलो धोका दिनु भो : भगवती चौधरी

१० वैशाख, काठमाडौँ । नेकपा एमालेकी नेता भगवती चौधरीले जिल्ला इन्चार्जको जिम्‍मेवारी नदिएकोमा असन्तुष्टि जनाएकी छन् ।

शुक्रबार बालुवाटारमा भएको एमाले अध्यक्ष केपी ओली पक्षको बैठकले केन्द्रीय सदस्यहरूको कार्यविभाजन टुंगो लगाएको छ । चौधरीले सुनसरी जिल्ला इन्चार्जमा दबी गरेकी थिइन्, तर जगदिश कुशवाहलाई इन्चार्जको जिम्मेवारी दिइएको छ ।

त्यसप्रति असन्तुष्टि जनाएर बैठक स्थलबाट बाहिरिएकी उनले अध्यक्ष ओलीबाट आफूले ठूलो धोका पाएको बताएकी छन् । ‘ मैले ओली बाको र पार्टीको सबै कुरा मान्दै आएकी थिएँ, तर यसपटक केपी बाले ठूलो धोका दिनुभयो । मेरो क्षमता र योग्यताको कदर गरिएन,’ उनले भनेकी छन् ।

एमालेको राजनीतिमा लामो समय सक्रिय रुपमा काम गरेको भएपनि पार्टीले आफूमाथि अन्याय भएको बताइन् । उनले भनिन्, ‘ मैले लामो समयसम्‍म एमालेको राजनीतिमा सक्रिय रुपमा काम गरेकी छु। त्यही पनि ममाथि यत्रो अन्‍याय भो। म कसरी सहूँ ? कति पटक सहूँ ?’

अध्यक्ष ओलीले गुण्डा राज गर्नेहरुलाई मात्रै स्थान दिने तर इमान भएकोलाई बहिस्कार गर्ने गरिएको उनले टिप्पणी गरिन् । उनले भनिन्, ‘ मेरो योग्यता, क्षमतालाई बहिस्कार गर्‍यो ओली बाको गुटले । विष्णु पौडेलले भन्‍ने एउटा, गर्ने अर्कै रहेछ। उनको गुट दलालीको रहेछ भन्न‍े बल्ल थाहा पाएँ ।’

उनले अब एमाले पार्टीभित्रै संघर्ष गर्ने बताइन् ।अनलाइनखबर बाट

२०७८ बैशाख १०, शुक्रबार १८:२७ 0 Minutes 112 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।