२०७९ जेष्ठ ५
  • काठमाडौँ

जेठदेखि हप्ताको दुई दिन सार्वजनिक विदा दिने सरकारको निर्णय

काठमाडौं, १४ वैशाख :

सरकारले जेठ १ गतेदेखि सातामा दुई दिन सार्वजनिक विदा दिने निर्णय गरेको छ ।

परीक्षणको रूपमा लागू हुने गरी शनिवार र आईतबार दुई दिन सार्वजनिक विदा दिने निर्णय गरेको प्रधानमन्त्रीका प्रेस संयोजक गोविन्द परियारले जानकारी दिए ।

उक्त समयदेखि बिहान ९ः३० देखि बेलुका ५ः३० बजेसम्म कार्यालय सञ्चालन गरिनेछ । मुलुकको अर्थतन्त्र संकटग्रस्त हुन थालेको भन्दै सरकारले विदाको समय बढाएको हो ।

विदेशी मुद्रा सञ्चिती घट्दो र शोधान्तर घाटा बढ्दो स्थिति गएको भन्दै सरकारले सार्वजनिक विदाको समय बढाएको हो ।

यसअघि पेट्रोलियम पदार्थको आयात घटाउन सरकारी इन्धनमा २० प्रतिशतले कटौती गरेको थियो । त्यस्तै विदेशी विनिमय सञ्चिति बढाउन सरकारले विभिन्न १० वटा वस्तुमाथि पूर्ण रूपमा बन्देज लगाउने निर्णय गरेको थियो ।

वडा अध्यक्षका दुई उम्मेदवारलाई हाजिर हुन मुख्य निर्वाचनको आदेश : वडा अध्यक्ष पदको लागि मनोनयन दर्ता गरेका मुगुका दुई उम्मेदवारलाई मुख्य निर्वाचन अधिकृतको कार्यालय मुगुले हाजिर हुन आदेश दिएको छ ।

३० वैशाखमा हुने स्थानीय तहको निर्वाचनमा छायाँनाथ रारा नगरपालिकाका-५ को वडा अध्यक्ष पदको उम्मेदवार जनकबहादुर बुढा र सोही नगरपालिकाका-७ का वडा अध्यक्ष पदका उम्मेदवार श्यामबहादुर शाहीलाई यहि १५ वैशाखमा कार्यालयमा हाजिर हुन आदेश दिएकाे हाे ।

छायाँनाथ रारा नगरपालिका-५ का वडा अध्यक्ष पदका उम्मेदवार बुढाले सार्वजानिक स्थलमा अभद्र व्यवहारका सम्बन्धमा उजुरी परेको हुँदा न्यायको लागि छायाँनाथ रारा नगरपालिका-५ कै देवेन्द्र रावलले मुख्य निर्वाचन अधिकृतको कार्यालयमा दर्ता नम्बर १ मा उजुरी दिएको मुख्य निर्वाचन कार्यालय मुगुले जनाएको छ ।

यस्तै, ७ नम्बर वडाका अध्यक्षमा उम्मेदवारी दिएका श्यामबहादुर शाहीलाई अवैध काठ चोरी निकासी कसुरसम्बन्धी उच्च अदालत सुर्खेत जुम्लाबाट ३१ चैत २०७३ मा कसुर सजाए भएको भन्दै मुख्य निर्वाचनको अधिकृतको कार्यालयमा छायाँनाथ रारा नगरपालिका-७ का धमेन्द्र शाहीले मुख्य निर्वाचन अधिकृतको कार्यालयमा दर्ता नम्बर १ मा उजुरी दिएको मुख्य निर्वाचन अधिकृतको कार्यालय मुगुले जनाएको छ ।

मुख्य निर्वाचन कार्यालयका अनुसार उम्मेदवार विरुद्धमा दुवै उम्मेदवारलाई आफ्नो सफाई तथा सबुत प्रमाण साथ १५ वैशाख विहान १० बजे अधिकृतको कार्यालयमा उपस्थित हुन समेत आदेश गरेकाे मुख्य निर्वाचन अधिकृतको कार्यालय मुगुका प्रमुख पुण्यप्रसाद सापकोटाले जारी गरेकाे सूचनामा उल्लेख छ ।

उजुरी परेका ५ नम्बर वडाका अध्यक्ष पदका उम्मेदवार जनकबहादुर बुढा नेकपा एमालेबाट र ७ नम्बर वडाका अध्यक्ष पदका उम्मेदवार श्यामबहादुर शाही नेकपा एकीकृत समाजवादी पार्टीबाट उम्मेदवार गराई मनोनयन दर्ता गरेका छन् ।

२०७९ बैशाख १४, बुधबार १०:५७ 1 Minute 105 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार