२०७९ आश्विन १८
  • काठमाडौँ

नेपालका हात्ती भारतमा तस्करी, एउटैको तीन करोडसम्म मूल्य

वीरगन्ज : नेपालका हात्ती भारतमा तस्करी हुने गरेको पाइएको छ। त’स्करहरुले नेपालका घरपालुवा हात्ती त’स्करी गरेर भारतका विभिन्न राज्यमा पु¥र्‍याएर बिक्री गर्दै आएको खुलेको हो।

नेपालबाट तस्करी गरेर भारत लैजादै गरेका दुई वटा घरपालुवा हात्ती, भारतसँग सीमा जोडिएको पर्साको गाउँबाट शनिवार प्रहरीले बरामद गरेको छ।

पर्साको पकाहा मैनपुर गाउँपालिका- ५ पोखरीया टोलबाट प्रहरीले भारतमा तस्करी गर्न राखिएको अवस्थामा दुई वटा हात्तीसहित तीन जनालाई पक्राउ गरेको हो।

हात्तीसँगै पक्राउ पर्नेहरुमा माउतेद्वय चितवनको भरतपुर महानगरपालिका १८ जितपुर घर भएका ६० वर्षीय बुद्धिराम महतो, त्यही ठाउँका ४० वर्षीय राजु कुमाल रहेका छन्।

हात्ती तस्करीको कारोबार गर्ने पर्साको पकहामैनपुर गाउँपालिका वडा नम्बर ५ सबैठवाका ३५ वर्षीय सफरोज आलमलाइ पनि पक्राउ गरिएको पर्साका प्रहरी नायव उपरीक्षक ओमप्रकाश खनालले जानकारी दिए।

डीएसपी खनालकाअनुसार, चितवनको सौराहा क्षेत्रबाट घरपालुवा हात्तीहरू, तस्करहरुले भारतको पन्जाब र यूपी प्रदेशमा लगेर बिक्री वितरण गर्दै आएको सूचना प्रहरीलाई एक वर्ष पहिले नै प्राप्त भएको थियो।

उक्त सूचनाका आधारमा प्रहरीले पर्साको सीमावर्ती क्षेत्रमा निगरानी पनि गर्दै आइरहेको थियो।

त्यही क्रममा इलाका प्रहरी कार्यालय पोखरियाबाट खटीएको प्रहरी टोली, शनिवार दिउसो पकहामैनपुर गाउँपालिका ५ पोखरीया टोलमा पुगेको थियो। त्यहाँ पुग्दा, तस्करहरुले दुई वटा हात्ती सीमापार लैजादै गरेको अवस्थामा पक्राउ गरिएको डीएसपी खनालले बताए।

खनालकाअनुसार, तस्करहरुले नेपालबाट भारतमा लगेर एउटा हात्ती उमेरअनुसार एक देखि तीन करोड रुपैयाँसम्ममा बिक्री गर्दै आएका थिए। शनिवार नियन्त्रणमा लिइएको दुवै हात्तीसहित तस्कर र माउतेहरुलाई आवश्यक कारवाहीको लागि पर्सा राष्ट्रिय निकुञ्जको कार्यालयमा बुझाइएको छ। अन्नपूर्ण पोस्ट बाट

२०७८ चैत्र १२, शनिबार १४:३२ 1 Minute 108 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।