२०७९ आश्विन १४
  • काठमाडौँ

ओमिक्रोनपछि नै कोरोना महामारी अन्त्य हुनेछ : डब्लूएचओ

काठमाडौँ । कोरोना भाइरसको पछिल्लो नयाँ भेरियन्ट ओमिक्रोनले गर्दा नै कोरोना महामारी चाँडै अन्त्य हुने बताइएको छ । विश्व स्वास्थ्य संगठन (डब्लूएचओ)का युराेप क्षेत्रीय निर्देशकले हान्स क्लुगले कोरोना महामारीलाई यस ओमिक्रोन भेरियन्टले नयाँ चरणमा लगेको र चाँडै नै यो महामारी अन्त्य हुने विश्वास व्यक्त गरेका हुन् ।

उनले भने, ‘ओमिक्रोन भेरियन्टले युरोपलाई महामारी अन्त्यको खेलतर्फ लग्दैछ ।’ यद्यपि आगामी मार्च महिनासम्म ओमिक्रोनबाट युरोपका ६० प्रतिशत जनता संक्रमित हुने समेत उनको भनाई थियो । यसपछि महामारी साम्य हुनसक्ने उनले विश्वास व्यक्त गरे ।

उनले पछिल्लो समय कोरोनाविरुद्धको खोपका कारण विश्वव्यापी रुपमा मानिसहरुको रोग प्रतिरोधात्मक क्षमता बढेको र भाइरस कमजोर हुँदै गएकोले महामारी अन्त्यको चरणमा पुगेको बताए । यसै साल सन् २०२२ को अन्त्यसम्म महामारी शान्त हुन सक्ने उनको भनाइ थियो ।

यसैगरी अमेरिकाका वरिष्ठ वैज्ञानिक एन्थोनी फाउसीले पनि पछिल्लाे समय कोराेना संक्रमण दर घट्दो क्रममा रहेकाे भन्दै अब कोरोना महामारी विश्वभर घट्दै जाने विश्वास व्यक्त गरेका छन् । न्युज२४ बाट

२०७८ माघ १०, सोमबार १०:१८ 0 Minutes 177 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।