२०७९ आश्विन २१
  • काठमाडौँ

दुखद खबर : एकै परिवारका चारजनाको मृ\त्यु” सामूहिक अन्त्ये ष्टि” हार्दिक श्रद्धान्जली

बुधबार राति कोठामा आगो बाल्न प्रयोग गरिएको कोइलाका कारण निसासिएर मृत्यु भएका चारजनाको अन्त्येष्टि गरिएको छ । उनीहरुको शुक्रबार नेपालगन्जस्थित राप्ती नदीमा अन्त्येष्टि गरिएको हो ।कर्णाली प्रदेश खरिद शाखा तथा आपूर्ति शाखाको क्वाटरमा चारजनाको मृत्यु भएको थियो ।

शाखामा कार्यालय सहयोगी पदमा कार्यरत रहेका मृतक धनप्रसाद भट्टराईसहित उनका ३ वर्षीय छोरा इप्सन भट्टराई, आमा कोपिला भट्टराई र दिदी नन्दकली भट्टराईको सामूहिक अन्त्येष्टि गरिएको आफन्तहरुले जनाएका छन् ।उक्त कोठामै निसासिएर गम्भीर घाइते भएका अन्य तीनजनाको भने अवस्था सामान्य छ ।

आफन्त लक्ष्मण आचार्यका अनुसार शुक्रबार मृतक चारजनाको सामूहिक अन्त्येष्टि गरिएको हो । भेरी अस्पतालको आइसियूमा उपचाररत अन्य तीनजनाको अवस्था सामान्य रहेको उनले बताए । अस्पतालमा मृतक धनप्रसाद भट्टराईकी श्रीमती शुसिला भट्टराई, उनका जेठा छोरा दिवश भट्टराई र घाइते शुसिलाका देवर नरेन्द्र भट्टराईको अवस्था सामान्य छ ।

घाइतेमध्ये शुसिला सबैसँग बोलचाल गर्न सक्ने अवस्थामा छिन् । उनी राम्रोसँग बोल्न सक्ने अवस्थामा पुगेको तर, उपचार भइरहेको उनले जानकारी दिए । घाइतेमध्ये नरेन्द्र भने अझै राम्रोसँग बोल्न सकिरहेका छैनन् । तर उनको स्वास्थ्य अवस्था सुधारात्मक रहेको आफन्त आचार्यले बताए । नेपालखबर बाट

२०७८ पुष २१, बुधबार १३:२५ 0 Minutes 227 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।