२०७९ आश्विन २१
  • काठमाडौँ

फेसबुक खोल्न बित्तिकै आफुलाई थप्पड हान्न महिला कर्मचारी नियुक्त !

सोसल मिडिया प्लेटफर्मको लतबारे जो पनि जानकार छन् तर एक व्यक्तिले यो लतबाट छुटकारा पाउनका लागि सन् २०१२ देखिनै एक महिलालाई जागिरमा राखेका छन् ।

यी व्यक्तिले फेसबुक खोल्ने बित्तिकै उनलाई ती महिलाले थप्पड हान्छिन् । महिलाको यो अचम्मको जागिरमा संसारका सबैभन्दा धनी एलन मस्कले आफ्नो प्रतिक्रिया दिएका छन् ।

वास्तवमा, भारतीय–अमेरिकी उद्यमी मनिष सेठीले फेसबुक खोल्दा हरेक पटक उनलाई थप्पड हान्नका लागि एक महिलालाई जागिरमा राखेका हुन् ।

लगाउन योग्य उपकरणको ब्रान्ड पावलोकका संस्थापक सेठीले कारा नामकी एक महिलालाई उनको स्क्रिन हेर्न र सोसल मिडिया प्लेटफर्ममा गएको खण्डमा उनलाई थप्पड हान्नका लागि ८ डलर प्रति घण्टाका लागि काममा राखे ।

मनिष सेठीले सन् २०१२ देखि नै महिलालाई जागिरमा राखेका हुन् तर यसको चर्चा आज यसकारण भइरहेको छ किनभने ९ वर्षपछि टेस्लाका सीइओ एलन मस्कले दुईवटा ‘फायर’ इमोजीको प्रयोग गरेर यसमाथि प्रतिक्रिया दिएका छन् ।

सेठीले सन् २०१२ को विज्ञापनमा लेखेका थिए, ‘जब म आफ्नो समय बर्बाद गरिरहेको हुन्छु तब तपाईंले मलाई कराउनुपर्नेछ र आवश्यकता पर्दा मलाई थप्पड पनि हान्नुपर्नेछ ।’

मनिष सेठीले शंका व्यक्त गर्दै मस्कको प्रतिक्रियामाथि प्रतिक्रिया व्यक्त गरे । सेठीले कारालाई थप्पड हानेर उनको काम गर्ने क्षमता बढाउन मद्दत गरेको श्रेय दिएका थिए । उनले भनेका थिए, ‘धेरैजसो समयमा मेरो औसत काम गर्ने क्षमता लगभग ३५–४० प्रतिशत थियो । जबदेखि कारा मेरो नजिक बसेकी छिन् मेरो क्षमता बढेर ९८ प्रतिशत भयो ।’ खसोखस बाट

२०७८ मंसिर २४, शुक्रबार ०९:५३ 0 Minutes 120 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।